Nagbaton sang mga nagkalain-lain nga mga supplies kag devices ang 25 ka mga Person With Dissabilities (PWD) Association sa Bacolod gikan sa ginpatigayon nga Distribution and Turnover Ceremony subong nga adlaw, Pebrero 25, 2025.
Nalakip sa mga essential assistive devices kag supplies nga ginbaton sang mga PWDs ang Wheelchairs, Crutches, Quadcane, Glucometer, BP App, Pulse Oximeter, Walker, Comode, Medicines maintenance kag Medicine kits. Lakip man diri ang Whitecane sticks kag protector sunglasses para sa mga bulag.
Ginpahayag ni Bacolod City Mayor Albee Benitez nga komitido ang ciudad nga padayun nga maghatag sang suporta para sa mga PWDs.
Suno sa alkalde, nagakadapat lamang nga magbaton sang mga devices kag supplies ang mga ini bangud ini ang kinahanglanon.
Pahayag ni Benitez, malipayon ini nga nagtambong sa ginpatigayon nga Distribution kag Turnover agud personal sini nga makita kun diin pagkulang sang ciudad sa paghatag sang mga benepisyo para mga PWDs kag ini ang hatagan sang nagakaigo nga tikang.
Ang nasambit nga programa ang inisyatibo kag proyekto sang Upward Inc. sa idalum sang the City Development Council nga nagapakita sang nagapadayon nga mga pagtinguha sang Bacolod City sa pagpa-uswag sang accessibility kag paghatag sang importante nga suporta para sa komunidad sang mga PWD.
