Naglumpat sa barko ang isa ka lalaki nga nadulaan sang trabaho kag ginbayaan sang nobya sa ciudad sang San Carlos, las-4:32 sang hapon, Miyerkules, Pebrero 26.
Ang biktima ang ginkilala nga si Relan Besano, 28-anyos, kag residente sang Guihulngan City, Negros Oriental.
Ginpahayag ni Philippine Coastguard Ens. John Hoffer Olis, Deputy Commander for Operation kag Spokesperson sang PCG- Northern Negros, nakita sang isa ka pasahero nga naglumpat ang biktima sa barko kag gilayon nga natigayon nga na rescue ini sa bulig sang isa ka pasahero nga isa ka katapo sang coast guard nga ginkilala nga si Petty Officer 1 Alexis Cabreas.
Gina-alegar ginkakas sa trabaho si Besano kag ginbayaan sang iya nga nobya rason nga naglumpat ini sa barko nga nahibaluan nagabiyahe padulong San Carlos Port nagikan sa Toledo, Cebu.
Sa karun yara na sa maayo nga kahimtangan ang biktima.
