Nakahanda ang Abang Lingkod Partylist nga ipakakas ang mga campaign materials nga ginakabig sang Commission on Elections nga illegal.
Ini ang ginpasiguro ni Negros Occidental Third District Board Member Manuel Frederick Ko, nga amo ang first nominee sang organisasyon para sa 2025 National and Local Elections, kasunod sang pag-issue sang Comelec sang notice of violation angot sa ila mga campaign materials.
Suno kay Ko, wala pa ini nakabaton sang notisya gikan sa poll body apang pakadtuan sini sa iya nga staff ang Comelec.
Ginpabutyag sini nga luyag niya kuntani Makita ang notice of violation agud mahibaluan sini kun sa diin nga area nahamtang ang ginatumod nga campaign materials.
Ginpasiguro sini nga kun sila ang nagtapik, ila ini nga ipakakas kag iya man hingyuon ang ila mga supporters nga likawan ang pagtakod sang mga posters kag streamers sa indi nagakadapat nga lugar.
