Ginkondenar sang European Union (EU) ang liwat nga pagluntad sang kinagamo sa Gaza kun sa diin nagpatigayon sang pagpang-atake ang Israel. Sa nakaligad nga tatlo ka adlaw nga pagpang-atake, nagdangat na sa masobra 500 ka tawo ang ginbawian sang kabuhi. Sa pagdipensa sang Israel, ila ginpatigayon ang pagpang-atake matapos nga nagpakatig-a ang Hamas nga buy-an ang mga hostages. Nagapanawagan ang EU nga dapat gilayon nga ibalik ang pagpatuman sang ceasefire. Halos sa mga ginbawian sang kabuhi ang mga sibilyan kag mga kabataan kun sa diin ang ginbatimos sang mga nagkalain-lain nga mga world leaders.
