Wala pa matumod ang motibo sa pagtiro sang isa ka pulis kag iya kaugalingon nga gintunaan sang ila kamatayon sa Purok Camia, Barangay Poblacion, banwa sang Valladolid las 7:42 sang gab-i, Marso 20, 2025. Ang biktima ang ginkilala kay alyas Rubi samtang ang pulis naman nga suspek ang ginkilala kay PMSgt. Larry, na-assign sa Iloilo City Police Office. Base sa inisyal nga imbestigasyon sang Valladolid PNP, ginpahayag sang anak sang biktima nga iya nakita nga nagalalisanay ang iya iloy kag ang pulis sa wala mahibaluan nga rason. Gilayon nga gintiro sang pulis ang biktima sa parte sang lawas sini kag ulo, pagkatapos sang krimen, ginluthang man ni Larry ang iya kaugalingon sa ulo nga nangin rason sang iya kamatayon. Sa interview sang DYHB kay Valladolid MPS Deputy Chief Bonifacio Golez, una gindeklarar nga dead on arrival ang pulis samtang 10 minutos pa pagkatapos nag-abot sa Valladolid hospital sang ginbawian sang kabuhi si Alyas Rubi. Nakita sa crime scene ang 9mm gloc nga armas nga gingamit sa nasambit nga krimen.
