Ginbawian sang kabuhi ang apat ka mga civil servants nga nagpakig-away sa kalayo sa nagluntad nga makamamatay nga wildfire sa South Korea. Masobra 2,740 ka tawo nga nag-evacuate bangod sa sunog, kag sa karun sila ang temporaryo nga nagatinir sa mga ginpahamtang nga evacuation shelters. Nagdangat sa kapin 162 ka mga building ang naguba tuga sang wildfire lakip na ang temple sa Euiseong. Nahibaluan nga una na nga nagluntad ang wildfire sa bahin sang Sancheong, sakop sang South Gyeongsang province, suno sa report sang Interior Safety Ministry. Base sa pinakaulihi nga rekord, masobra 1,464 hectares na ang kalaparon sang sunog nga nagluntad sa lugar. Ang gobyerno ang nagdeklarar sang state of emergency sa Ulsan City, sa Sur kag Norte nga bahin sang Gyeongsang province.
