Isa ka tumalagsahon nga kaso ang gintabangan sang mga doktor sa isa ka ospital sa Jilin, China bangud nga indi makakas sang babayi ang iya kamot sa baba sang iya nga nobyo samtang naga-film sila sang funny video. Naglapta sa social media ang video kag litrato sang mag nobyohanay nga nagasulod pakadto emergency room sa diin nagaangut pa ang kamot sang bayi sa baba sang lalaki. Nahibaluan nga samtang naga-shoot sila sang funny video para i-post online, gin-testing sang babayi nga isulod ang iya inumol sa baba sang iya migo agud pamatud-an nga gamay lang ini. Ugaling lang, pagsulod sang iya inumol sa bibig sang iya nobyo, indi niya na ini makakas pa. Makapila ka beses nya gintinguhaan kakas ang iya inumol apang bisan ano ang ubrahon sini, indi gid madala. Diri nagdisider siya nga magpangayo bulig sa mga doktor. Sa malawig nga tinion nga nakabukas ang baba sang lalaki, galaway lang ini bangud indi niya masarangan sirad-an ang iya baba. Ang malain pa bangud nagadulot na ang unto sini sa butkon sang iya nobya. Agud masolbar ang iya problema, una siya nga ginpakalma sang hospital staff agud indi madunlan ang lalaki. Gingamitan nila ini sang special mouth opener agud ma hitad ang panga sang lalaki kag nag-inject sila sang muscle relaxant sa kamot sang babayi. Pagkatapos sang 20 minutes gin amat-amat ni Doctor Zhang tiyog ang butkon ka babayi kag nakakas ini.
