Nag-atubang sa DYHB Kilalahon Serye ang Vice Mayoralty Aspirant sang banwa sang Isabela nga si Renato Malabor kaupod ang mga Sangguniang Bayan members sang Grupo pala-amigo sini nga aga, Marso 26,2025 sa RMN Broadcast Center.
“Bag-uhon ang dagway sang politika kag serbisyo sa banwa sang Isabela,” ini ang singgitan sang ila nga grupo.
Si Malabor ang una na nagpapili bilang alkalde sang banwa sang 2022 ugaling lang nalutos ini sang administrasyon karon.
Suno sa iya, ila nakita nga naga-align ang plano sang mga Yulo sa ila man nga plano para sa ikaayo sang banwa rason nga nag-upod ini kay Mayoralty aspirant Miguel Yulo.
Kaupod ni Malabor amo ang mga SB members sa idalom sang grupo pala-amigo nga sanday Arjay Ansag, isa ka incumbent councilor nga luyag pangapinan ang sektor sang edukasyon.
Yara man si Randy Candelario nga magabulos sa iya asawa nga incumbent SB Member, tuyo sini iduso ang sustainable livelihood program para sa mga solo parents.
Suno naman kay Dadilos Española, nagsirbe na siya bilang administrador sa sulod sang kapin tatlo ka dekada kag kun mahatagan sang kahigayunan, luyag niya tutukan ang sector sang agrikultura.
Para naman kay Embong Flores, dapat papaskugon ang ekonomiya sang banwa, ang negosyo dapat nagasulod kag wala nagagwa.
Samtang, si incumbent SB Member Francis “Dol” Malabor naman ang plano magtutok sa transportation sector para sa kaayuhan sang kapin 500 ka mga tricycle drivers.Apisar may ginpasar na nga ordinansa angut diri, wala man sa gihapon sang pulos kun indi ini paghatagan bili sang administrasyon.
Dako man ang pagsalig ni Ryan Uy sa pamilya Yulo pag-abot sa pagserbisyo. Edukado kaman ukon indi, alalangay lang ang pagtratar sa tanan.
Ulihi amo si Nico Vasquez, iya luyag tutukan ang health and tourism sa banwa. Magdugang sang ambulansya agud mangin accessible ini para sa tanan. Dapat may ambulansya sa nabukid nga bahin sang banwa agud madasig nga makaresponde kun may emerhensya. Luyag sini nga ma incentivize man ang mga ambulance drivers.
Suno sa grupo pala-amigo, dapat wala pili ang pagserbisyo.
