Nagdangat sa kapin P59.42 million nga balor sang ginaalegar ilegal nga droga ang nakumpiskar sang Police Regional Office 6 (PRO6) sini nga bulan sang Marso 2025.
Base sa report sang opisina, nagabug-at sang 8,681 ka gramo sang suspected shabu ang ila nakuha sa asud-asod nga pagpatigayon sang buy-bust operations.
Pinakadamo nga nakumpiskar nga ilegal nga droga amo ang Iloilo Police Provincial Office (IPPO) sa diin naglab-ot ini sa P25.6 million.Sunod amo ang Iloilo City Police Office (ICPO) nga may P17.8 million. Ikatatlo naman ang Bacolod City Police Office (BCPO) nga may P7.89 million ka mga confiscated illegal drugs.
Sa pihak nga bahin, kapin P379,360 nga balor naman sang marijuana ang nakuha sang kapulisan sa pareho nga bulan.
