Liwat nga maga-operate ang pantalan sa Barangay Zone 5, Pulupandan, Negros Occidental sa idalom sang bag-o nga management.
Ginpatigayon ang inauguration and blessing sang Pulupandan Port kahapon, Abril 8, sa pagpanguna ni Negros Coastal Terminals General Manager Gemelyn Reynoso upod sanday Philippine Ports Authority Division Manager Richie Villasana, Vice Governor Jeffrey Ferrer, Pulupandan Mayor Miguel Antonio Peña, Mr. Willy Au, kag Mr. Johny Uy.
Iga-cater sang Pulupandan Port ang mga international kag domestic nga commercial ukon cargo kag passenger vessels sa idalom sang pagdumala sang Negros Coastal Terminals, Inc. sa masunod nga 15 katuig.
Ginpasiguro naman sang Negros Coastal Terminals nga preparado sila sa pag-operate sang pantalan nga ginalantaw daku ang mabulig sa pagpauswag sang ekonomiya paagi sa mahapos nga pag-transport sang mga produkto.