Apisar sang gina-project nga mataas nga rice output sini nga 2025, maga-import sa gihapon ang Pilipinas sang 3.5 million metric tons (MT) sang bugas. Suno sa estimate sang National Economic and Development Authority (NEDA), ang local rice production magasanyog sa 12.89 million MT sini nga 2025 gikan sa 12.48 million MT sang nagligad nga tuig. Apang suno sa NEDA, kulang ini sa gihapon sang 17 percent agod malab-ot ang 15.54 million MT nga rice demand sini nga tuig. Bangud sini, gina-project nga maga-import sa gihapon ang pungsod sang 3.45 million MT sang bugas sini nga tuig agod mapun-an ang domestic shortfall kag mapasiguro nga may bastante nga stocks para sa pagsugod sang paniba-o nga tuig sa 2026.
