Ginpasalamatan ni Bacolod Transportation and Traffic Management Department (BTTMD) Officer in Charge Patrick Lacson ang mga kuha nga aktwal nga video sang mga pumuluyo natuhoy sa mga aktibidad sang mga traffic enforcers sa tagsa ka dalanon sang ciudad.
Ginpahayag ni Lacson, indi kinahanglanon nga dayawon ang serbisyo sang BTTMD, apang luyag sini nga makabulig man ang pumuluyo pinaagi sa pagkuha sang mga video sa mga traffic enforcers nga nagalapas sa rules and regulation sa ila nga trabaho agod may konkreto nga basehan.
Sa karun may lima ka mga traffic enforcers ang ginapaidalom sa restrictive duty bangod isa sa ila ang nagbaton sang suhol, samtang ang apat ang wala pagdakop sa motor rider nga wala sang helmet bangod ila ini nga kilala.
Nagapahanumdom si Lacson sa mga BTTMD personnel, nga ang ila pagserbisyo ilabi na sa traffic management ang wala angot sa politika kag nagakadapat nga wala sang pinilian.