Nahatagan na sang permit to construct (PTC) ang ikaduha nga hugnat sang pagpahuman sang La Castellana Municipal Hospital.
Ang PTC ang pirmado ni Department of Health Negros Island Region Regional Director Dr. Razel Nikka Hao kag napetsahan Abril 7, 2025.
Una na nga ginpahayag ni Mayor Rhummyla Nicor-Mangilimutan nga nagabalor sang kabug-usan nga P60 million ang ginpatukod nga 25-bed capacity Level 1 hospital para sa ila nga banwa.
Nag-utang sang P30 million ang municipal government agud ipatukod sang una nga panalgan samtang ang nabilin nga P30 million ang magahalin sa Department of Health (DOH). Nagdaog sa bidder ang EMR Builders sa pagpatapos sang ospital.
Sa social media post ni Mayor Mhai, ginpasalamatan sini sanday DOH Undersecretary Mary Ann Maestral, Director Hao, DOH-6 Director Adriano Suba-an kag Senator Bong Go.