Nautas ang kabuhi sang tatlo ka mga sakay sang eroplano nga Cessna 310 aircraft matapos nga naghugpaas malapit sa Boca Raton Airport sa Florida, United States of America (USA) nga magapadulong kuntani sa Tallahassee International Airport. Ang mga biktima ang ginkilala sanday Robert Stark, 81-anyos; Stephen Stark, 54-anyos; kag isa ka 17-anyos; suno sa Boca Raton Police Service Department. Samtang luwas naman sa katalagman ang isa ka lalaki nga nagameho sang pribado nga salakyan nga yara malapit sa lugar kun sa diin naghugpaas ang eroplano. Sa inisyal nga impormasyon, nag-report ang piloto sang eroplano natuhoy sa “rudder issue” antes nagluntad ang paghugpaas. Nagapatigayon sa karun sang imbestigasyo ang Federal Aviation Administration kag National Transportation Safety Board natuhoy sa amo nga insidente.
