Gindagdagan na sang show cause order sang nagligad nga Biyernes, Abril 11, 2025 ang regular nga empleyado sang Bacolod General Service Office (GSO) bangud sa pagdispose sini sang mga daan kag unserviceable nga aircon kag equipments sang ciudad.
Suno kay Atty. Karol Joseph Chiu, Bacolod City LegaL Officer (CLO) , makaduha na nga beses natabo ang personal nga pag-dispose sang nasambit nga empleyado sa mga kagamitan sang ciudad.
Dugang pa ni Chiu, nakuhaan sang litrato ang salakyan sang ciudad samtang naga-dispose sang daan nga aircon kag equipments ang empleyado sa isa ka junk shop.
Una na ini nga natabo sang nagligad pa nga tuig apang wala lang nakita ang record.
Sa subong, ginhatagan na sang lima ka adlaw ang empleyado nga mag-eksplikar sa duha ka insidente.
Ginpahayag ni Chiu nga may yara disposal committee nga naga-dispose sang mga unserviceable nga mga gamit sang ciudad.
Indi naman masuspende sang ciudad sang Bacolod ang nasambit nga empleyado bangud sa election ban apang nagapadayon naman imbestigasyon angut diri.