Nagpanguna nga may pinakamadamo nga nakuha nga Gold Medal ang mga atleta sang Negros Occidental sa Region 6 sa damlag lang nagtapos nga Palarong Pambansa 2025 sa Ilocos Norte.
Ang Negros Occidental nga kabahin kag yara sa idalum sang Region 6 – Western Visayas sa nasambit nga kompetisyon ang nakakuha sang 44 ka mga gold medals kun sa diin 18 diri ang gikan sa mga atleta sang probinsya,
Sa pagtakop, nakuha sang Western Visayas ang ikatatlo nga pwesto nga nakakuha sang 44 gold, 52 silver, kag 58 bronze medals, ikaduha diri amo Calabarzon samtang ginkilala naman bilang overall champion ang National Capital Region (NCR).
Nahibaluan nga ang delegasyon sang Western Visayas ang ginalakipan sang mga atleta gikan sa Negros Occidental, Iloilo, Aklan, Antique, Capiz, kag Guimaras.
Natalana naman nga magabaton sang cash incentives gikan Provincial Government subong nga semana ang mga Negrense nga nakakuha sang medalya.
Magabaton sang P10,000 ang mga nakakuha sang gold medal, P7,000 sa silver medal kag P4,500 para sa mga nakakuha sang bronze medal.
Samtang ang mga atleta naman nga nakaset sang bag-o nga record sa nagkalain-lain nga sports ang makabaton sang dugang nga cash incentives.
[Photos from PGNO]