Indi nangin upang ang edad ni Lucy Gonzaga sang Barangay Himogq-an Baybay, Sagay City agud nga makapadayon ini sa pag-eskwela kag maka-graduate sa edad nga 71.
Si Nanay Lucy ang isa sa mga nag gradwar sa kolehiyo sa idalum sang Class 2025 sang State University of Northern Negros (SUNN), Sagay City tinalikdan nga June 20,2025 sa kurso nga Bachelor of Science in Fisheries.
Si Nanay Lucy ang isa ka proud 4Ps beneficiary, siya ang nabuligan sang ini nga programa para lab-uton ang iya nga handum nga makatapos sang pag-eskwela apisar may edad na ini.
2012 sang nangin 4Ps beneficiary ang household ni Nanay Lucy matapos nga na-qualify ang iya tatlo ka mga apo sa idalom sang 4Ps monitoring.
Bangud masami naga-attend si Nanay Lucy sa Family Development Session (FDS), diri napinsaran niya nga magbalik eskwela kaupod ang iya mga apo.
Nahibaluan nga high school graduate lang si Nanay Lucy.
2019 sang nag-enroll ini sa Senior High School kag naka-graduate matapos ang pila ka tuig.
Apang napinsaran sini nga daw kulang pa ang iya nalab-ot rason kun ngaa nagdisider si Nanay Lucy nga magpadayon sa kolehiyo kag ginkuha sini ang kurso nga BS Fisheries.
Apang sang 2023, nag untat ini sa iya pag-eskwela bangud sa problema pinansyal bangud nga nag graduate na sa programa nga 4Ps ang ila household, buot silingon wala na siya sang isustener sa iya pag-eskwela.
Apang sa bulig sang iya mga kabataan kag mga kilala, liwat nga nagpadayon si Nanay Lucy sa iya pag eskwela.
Subong, indi lang achiever si Nanay Lucy, kundi inspirasyon man sa kadam-an nga tanan nga butang ang posible basta magtinguha lang.
PANGINBULAHAN KA, NANAY LUCY!