Nagdangat sa P2,146,080 ang kabug-usan nga balor sang suspected shabu ang nakumpiskar sang Bacolod City Police Office (BCPO) sa ikaduha nga semana sang Hunyo subong nga tuig.
Ini ang sandig sa Weekly Accomplishment Report sang BCPO humalin Hunyo 9 tubtob Hunyo 15 , 2025.
Base sa report, ang balor sang iligal nga druga ang yara sa 315.6 gramos gikan sa 12 ka mga operasyon nga ginpatigayon sang kapulisan kun sa diin 14 ka persona ang arestado.
Samtang, sa bahin naman sang wanted persons report, sa ikaduha nga semana sang bulan, naka-aresto ang BCPO sang duha ka mga wanted person kag 12 ka mga other wanted persons.
Sa pihak nga bahin, 15 naman ka mga indibidwal ang arestado matapos madakpan sa lima ka operasyon batok sa illegal gambling.
Sa kabug-usan, yara na sa masobra P3.4 million pesos ang balor sang suspected shabu ang nakumpiskar sang BCPO humalin sang tinalikdan nga semana.
Samtang yara naman sa 26 tanan nga mga indibidwal ang na-aresto gikan sa 23 tanan ka mga police operations nga ginpatigayon sang kapulisan.
Padayun naman nga ginapahayag sang BCPO nga komitibo sa gihapon ang pwersa sang kapulisan sa ciudad sang Bacolod sa pagmentenar sang seguridad para sa mga pumuluyo.
| Via PIO – BCPO