Ginpatigayon ang Memorandum Of Agreement (MOA) signing angot sa KaSSSangga Program sa tunga sang Social Security System (SSS) kag Corazon Locsin Montelibano Memorial Regional Hospital (CLMMRH) subong nga adlaw, Hunyo 24.
Ginpahayag ni Dra. Lilani Benedian, Division Head sang Visayas West 1 sang SSS, ang KaSSSangga Program ang para sa mga Job Order kag Contract of Service employees nga nagatrabaho sa Regional Hospital nga maka-apply bilang self employed agod makabenepisyo sa SSS kaangay na lamang sang sickness, maternity, disability, retirement, funeral, kag death benefits.
Ang pagkombinsi sa mga health workers nga mangin miyembro sang SSS ini agod sila ang makatipon para sa ila nga bwas damlag ukon ginatawag nga “financial protection.”
Suno kay Benedian, ang mga JO ang sarang maka-contribute sang 15% monthly contribution sa P5,000 nga sweldo.
Samtang ginpahayag ni Dra. Joan Cerrada, Medical Center Chief II sang CLMMRH, indi mandatory para sa mga indi regular nga empleyado sang ospital nga magpa-miyembro sa SSS apang ang ospital ang magapatigayon sang educational session agod ila maintsindihan ang advantage kun sila ang mangin miyembro, bangod indi lamang ini para sa ila kaugalingon, kundi para man sa ila mga kabataan kag asawa.