BACOLOD CITY- Possible electrical ignition ang gintunaan sang sunog nga nagluntad sa Torquoise St., City Heights Subdivision, Brgy. Taculing, Bacolod City, pasado las-4 sang kaagahon, Lunes, Hunyo 30 nga nag-utas sang kabuhi sa mag-asawa.
Ang mag-asawa ang ginkilala nga sanday Edison Hibionada, 80-anyos kag Emelyn, 81-anyos.
Ginpahayag ni Bureau of Fire Protection- Bacolod Chief Investigator FO2 Rolin Paulan, nagsugod ang kalayo sa western portion sang 2nd floor sang balay kun sa diin nahamtang ang isa ka bakante nga kwarto.
Base sa imbestigasyon sang BFP, possible electrical ignition ang nangin tunaan sang sunog bangod nadamage ang insulator sang linya ka kuryente rason nga nashort ang duha ka conductor sini.
Nahibaluan nga nasapwan ang mag-asawa sa 1st floor kun sa diin si Edison ang yara sa iya nga hospital bed bangod ini ang bed reddin, kag ang iya asawa naman ang yara sa kusina, nga ginapatihan nagpangita sang yabi ka balay, rason nga wala na ini makahingagaw gwa.
Nagdangat sa kapin ₱3 million ang nangin kahalitan sa amo nga sunog.