BACOLOD CITY- Pila sa mga challenges nga nakita sang Bacolod City Police Office (BCPO) angot sa pag-comply sa 5-minute response time policy nga ginmando ni Philippine National Police Chief, amo ang problema sa trapiko sa ciudad kag kakulangon sang resources.
Ginpahayag ni BCPO Director Police Colonel Joeresty Coronica, ginatingwaan sa karun sang ila nga talatapan nga macomply ang amo nga polisiya kag ila nakita nga ini ang “achievable” apang may pila lamang ka mga challenges angot sa resources kag problema sa trapiko sa ciudad sa pagresponde.
Nahibaluan, ang BCPO ang may yara sang 1,088 personnel sa karun, lakip na ang mga Police Commissioned Officer (PCO), Police Non-Commissioned Officer (PNCO), kag Non Uniformed Personnel (BCPO).
38 naman ka mga patrol cars ang operational sa ciudad kag 42 ka mga motorsiklo.
Suno kay Coronica, kun indi malab-ot ang 5-minute response time bangod sa traffic, ini ang maintsindihan lamang, apang kun wala sang nagakaigo nga rason, ini ang isa ka problema nga paga-atubangon sang kapulisan.