Yara na karon sa paghinakup sang Cadiz City Local Government Unit ang anum ka mga persona nga sakay sang LCT M/V San Juan Bautista nga naglubog malapit sa Cresta De Gallo Sibuyan Island, Romblon kahapon nga adlaw, June 30,2025 matapos ang mga ini nasalbar sang mga mananagat gikan sa ciudad sang Cadiz.
Base sa inisyal nga impormasyon, nagikan sa port sang Guihulngan, Negros Oriental ang barge kag magapadulong na kun tani sa Navotas, Manila. Karga sini ang kapin 2,500 ka litro sang krudo sang naglubog ini sa Romblon.
Ginkilala ang mga na-rescue sanday Ireneo Pacheco, 59-anyos; Master Rodrigo Avenconzado, 50-anyos; Chief mate Rodrigo Ramirez, 67; Chief Engineer Arciel Viaña, 35; Assistant Engineer Angelito Lee, 46 years old; Able Seaman Jhonigie Topia, 40-anyos.
Gilayon naman nga ginpaidalum sa medical check-up sa opisina sang Cadiz Port Management ang nga mga survivor sa diin personal man sila nga ginbisita ni Cadiz City Mayor Bading Escalante.
Cadiz PIO