Natalana nga magpatigayon sang Committee hearing kaupod ang water watch advocates si Committee Chair on Power and Public Utilities, Councilor Bobby Rojas sini nga Biyernes, July 11,2025.
Sa interview sang DYHB kay Rojas, ginpahayag sini nga nakabaton ang iya opisina sang letter halin kay water watch convenor Wennie Sancho sa diin iya man ini pagadal-on sa ila regular session sa konseho bwas nga adlaw, July 9,2025.
Pahayag pa sini nga antis pa man sila makapungko sa pwesto, ila na nabatian ang reklamo sang kadam-an may angut sa serbisyo sang BACIWA- Primewater.
Ila na man naistoryahan nanday Congressman Albee Benitez kag Mayor Greg Gasataya ang pag-follow up sa nauna na nga pasalig sang kumpanya nga magapahamtang ang mga ini sang generator set sa mga lugar nga masami nagakaubsan supply sang tubig kada magka-power interruption.