Clearing Operations sa mga dalanon sa Bacolod mangin regular na sa idalum sang administrasyon ni Mayor Greg Gasataya
Sa interview sang DYHB kay Retired PCol Levy Pangue , head sang City Legal Enforcement Unit ginpasalig sini nga ang ila ginahimo nga clearing operations sa Barangay 16 ang umpisa pa lang kag pagasundan pa sang pagpanghawan sa mga dalanon sa iban nga mga barangay sa ciudad.
Dugang pa ni Pangue nga una na ini gin mando sang Department of Interior and Local Government (DILG) pero wala na napadayun nga ipatuman.
Suno pa sa iya, may obligasyon ang mga Barangay sa pagpatuman sini kag kun mapaslawan, sila man ang may salabton diri.