Nagagana na sa karon ang tatlo ka mga traffic lights sa dalanon sang Bacolod City sa diin may mga yellow lights na ang mga ini.
Ini ang ginpahayag ni Bacolod City Mayor Greg Gasataya sa iya sini nahauna nga press conference kahapon, July 7,2025.
Sa nahibaluan, 11 tanan ka mga traffic lights diri sa ciudad ang wala sang Yellow signal.
Apang kahapon lang, ginkumpirma ni Gasataya nga nagagana na ang tatlo sa mga ini kag sarang nga makita sa Lopue’s East Area, sa USLS area, kag sa Rizal-Lacson.
Ginpahayag man ni Gasataya, nga lima sa mga ginpang-repair nga traffic lights ang indi na masarangan nga makay-o bangud sang guba sini sa controller.
Samtang ang duha pa ka mga nabilin nga traffic lights ang ginapakay-o pa.
Sa karon, may duha pa ka mga traffic lights ang padayon nga ginakay-o kag pagabutangan sang yellow light.
Ginhingyo naman sang alkalde ang City Engineer’s Office (CEO) kag Bacolod Transport and Traffic Management Department (BTTMD) nga hibaluon ang iban pa nga mga intersection sa Bacolod City nga pagabugtangan sang traffic lights.