PROVINCIAL CAPITOL – Nagahandum si Governor Bong Lacson nga himuon nga apex hospital ang Teresita Lopez Jalandoni Provincial Hospital sa Silay City sa ulihi sini nga termino bilang gobernador sang Negros Occidental.
Ini ang ginpahayag ni Lacson sa iya nga panugdaon sa inaugural session sang 37th Sangguniang Panlalawigan kahapon.
Magluwas sini, tutukan man sang Lacson administration ang pagpabakod sang sub-provincial health systems kag pagpasangkad sang access sa telemedicine kag support infrastructure.
“Over the next three years, we will focus on strengthening our sub-provincial health systems, to make the Teresita Locsin Jalandoni Provincial Hospital an APEX hospital, expanding access through telemedicine and support infrastructure, and deepening social protection for vulnerable sectors.”
Sa karon, ang TLJPH ang isa ka secondary hospital kag may isa pa ka level, tertiary level, antes ini mangin apex.
Ang isa ka hospital ang makabig nga apex ukon end-referral hospital kun ini ang may specialized medical facility nga nagahatag advanced healthcare services sa publiko.
Nahibaluan nga ang Corazon Locsin Montelibano Memorial Regional Hospital sa Bacolod City ang nagaisahanon nga apex hospital sa Negros Island Region.*Capitol PIO Photo