PROVINCIAL CAPITOL – Nagpatigayon sang courtesy call kay Negros Occidental Governor Eugenio Jose Lacson si Senator Bam Aquino, Myerkules sang aga.
Lakip sa mga gin-istoryahan nanday Lacson kag Aquino ang concerns sa Department of Environment and Natural Resources kag subong man kun paano ini makabulig sa industriya sang kalamay.
Suno kay Senator Bam, sang nagligad sini nga pagpadulong sa probinsiya, ginpalab-ot sa iya nga bangud sang climate change, indi na supisyente sa kinahanglanon sang katubuhan ang nagatupa nga ulan.
Sa sini, ginalantaw ni Senator Aquino nga magbulig sa patubig sa mga katubuhan paagi sa solar irrigation.
Nagpasalamat man si Aquino sa suporta nga ginhatag sa iya sang Negros Occidental sadtong tion sang kampanya sini para sa Senatorial race.
Iya man ginpasalig kay Gov. Lacson nga “one call away” lamang ini kun may kinahanglanon nga bulig ang probinsiya.