Nakuhaan sang ₱1.3 million nga balor sang suspected shabu ang tatlo ka mag-utod kag duha ka iban pa nga mga lalaki sa buy bust operation sang City Drug Enforcement Unit (CDEU) sa Purok Lubi, Brgy. 3, Bacolod City, las-4:33 sang kaagahon, Hulyo 9, 2025.
Ginkilala ang subject sang buy bust nga si Michael Murillo, 21-anyos. Upod sini nga naaresto ang mga utod sini nga sanday Raphael, 37-anyos kag Justin, 28.
Lunsay residente ang mag-utod sang nasambit nga lugar. Magluwas sa mag-utod, naaresto man sanday Jonathan Geva, 22 kag Boyet Jundos, 32. Nakuha sa mga suspek ang P1,360,000 nga balor sang suspected shabu.
Suno kay Police Lt. Colonel Antonio Benitez, head sang CDEU, si Michael ang ginakabig nga high value individual kag may kaso man sang una angot sa illegal drugs kag ang duha ka utod sini ang nakaagi man priso.
Si Jundos ang nakaagi man sang priso sang una samtang si Geva naman ang ginakabig nga new player.