Masobra 5,000 ang mga indibidwal nga naapektuhan sang pagbinaha sa ciudad sang Bacolod halin Byernes sang gab-i tubtob Sabado.
Santo sa datos sang Department of Social Services and Development (DSSD) nagdangat sa 5,312 individuals kag 1,152 families ang naapektuhan sang pagbinaha sa Barangay Bata, Mandalagan, Banago, Villamonte, 1, 3, 8, 10, 17 kag 18.
Una na nga naghatag ang city government sang assistance sa mga nabahaan sang weekend nga ginalakipan sang basic goods, food packs, habol kag hygiene kits.
Samtang, ginkumpirmar man ni Mayor Greg Gasataya nga nagpanawag ang opisina ni House Speaker Martin Romualdez kag Sen. Bong Go nga magapadala man sang bulig ang tagsa nila ka opisina.