BACOLOD CITY- Akto nga nadakpan sang Negros Power ang 47-anyos nga lalaki nga gina-alegar nagpangawat sang kuryente sa Paglaum Village, Brgy Mansilingan, Bacolod City, pasado la-una sang hapon, Hulyo 14.
Ang suspek ang ginkilala nga si alias “Benito”, single, kag residente sa amo nga lugar.
Base sa report sang Negros Power, akto nga nadakpan ang suspek nga nagatap sang eletrical wire nagikan sa service line.
Sa karun nahunong si Benito sa Police Station 7 kag natalana nga pasakaan sang kaso nga paglapas sa Anti-Electricity Pilferage Law.