NEGROS ORIENTAL- Narekober ang ₱40.8 million nga balor sang ginapatihan shabu sa ginpatigayon nga drug buy bust operation, pasado las-12 sang tungang kaagahon, Hulyo 15 sa Purok 5, Brgy Sto Nino, San Jose, Negros Oriental.
Ang operation ang ginpatigayon sang Provincial Drug Enforcement Unit (PDEU), kag Provincial Intelligence Unit (PIU) sang Negros Oriental Police Provincial Office (NORPPO).
Base sa rekord sang Police Regional Office- Negros Island Region, ginabulubanta yara sa 6 kilos ang narekober sa suspek nga isa ka high value individual.
Natalana nga magapangatubang ang suspek sang kaso nga paglapas sa Republic Act No. 9165 ukon Comprehensive of Dangerous Drugs Act of 2002.