Kapin pito ka mga volcanic earthquake ang narekord sa bulkan Kanlaon kahapon nga adlaw, July 14, 2025 sandig sa monitoring sang Philippine Institute of Volcanology and Seismology (PHILVOCS).
Base sa 24-oras nga monitoring sang ahensya, nagsaka sa 2303 ka tonelada sang asupre ang ginbuga sini.
Samtang, naglab-ot naman sa 650 meters ang kataason sang plume nga nagagwa halin sa baba sang bulkan.
Nakitaan sa gihapon sang ground deformation ukon paghubag sa palibot sang bulkan Kanlaon.
Sa karon, padayon nga ginadumilian ang pagpalupad sang ano man nga sahi sang aircraft amalapit sa baba sang bulkan.
Ginaabisuhan ang tanan nga may posibilidad sa gihapon sang gulpi nga paglupok sang bulkan, pag-ilig sang lava, pag-ulam sang abo, Pyroclastic Density Current (PDC), rockfall kag pagbaha sang lahar kun may mabaskog nga pag-ulan.
Nagpabilin sa gihapon sa alert level 3 ang Mt. Kanlaon.