WORLD NEWS- Nautas ang kabuhi sang 60 ka tawo matapos ang sunog nga nagluntad sa Kut Hypermarket mall nga nahamtang sa al-Kut City sa Iraq.
Nagdangat sa 60 ka tawo ang nagtaliwan sa amo nga sunog lakip na ang mga kabataan kag ginapatihan madamo ang natrap sa sulod sang mall.
Suno sa city health official, yara sa 59 ka mga biktima ang yara sa ila nga listahan kun sa diin ini ang mga nakilala na apang isa sa mga bangkay ang wala makilala bangod tuman ini nga nasunog.
Pila sa mga tawo ang nagsaka sa rooftop agod maluwas ang kaugalingon sa kalayo.
Padayon pa sa karun ang imbestigasyon sang awtoridad kun ano ang gintunaan sang amo nga insidente.
Samtang, nagfile na sang kaso si Wasit regional governor Mohammed Jameel Al-Mayahi batok sa tag-iya sang mall kasunod sa nagluntad nga trahedya.