ISABELA- Magabalay sang long term solution si Mayor Miguel Yulo angot sa lapnagon nga pagbaha sa banwa sang Isabela.
Ginpahayag ni Mayor Yulo, walo ka mga barangay ang apektado sa pagbaha sa baha, nga ginalakipan sang Barangay 1, 5, 8, Maytubig, Rumirang, Guintubhan, bahin sang Tinongan, kag Camang-Camang.
Suno sa alkalde, ang apektado sang pagbaha ang amo man nga barangay ang masami nga gakaapektuhan, rason nga kinahanglanon na sang long term solution sa amo nga problema.
Plano ni Yulo nga igarekomendar sa Department Public Works and Highways nga mas pasanyugon ang flood control sa mga residential area ilabi na sa kilid sang suba.
Mas ginpakamaayo man sang alkalde nga makapatindog sang housing relocation site sa mga residente nga naga-istar sa mga flood prone area sang banwa.