PROVINCIAL CAPITOL – Nautas ang kabuhi sang isa ka babayi kag isa ka lalaki matapos makuryente sa alambre nga halayan sa Barangay Talacagay, banwa sang Hinoba-an sa tunga sang malain nga panahon.
Sa exclusive interview sang DYHB, ginkumpirmar ni Mayor Daph Anthony Reliquias nga una nakuryente ang babayi sa grounded nga halayan bangud nga nagaangot ini sa plangka sang kuryente.
Gintinguhaan ini nga luwason sang lalaki nga yara sa katupad nga machine shop apang sa baylo nga mag-rescue, nakuryente man ini.
Suno kay Mayor Reliquias, ang babayi ang taga-bayawan samtang taga-Nabulao naman ang lalaki nga biktima.
Ginpadulungan na sang Negros Occidental Electric Cooperative ukon NOCECO ang lugar.