Positibo si Central Philippine State University (CPSU) President Aladino Moraca nga pagabuligan sila sang Provincial Government sang Negros Occidental kag banwa sang Moises Padilla sa ila sini problema sa duta nga ginatindugan sang campus.
Sa interview sang DYHB kay Moraca, ginpahayag sini nga nagatakos sang 4.3 hectares ang duta sang pamilya Nazareno kag ang tunga sini ang ila na gin-donate sa CPSU sang 2007.
Apang, sang nagdamo ang mga estudyante sa Moises Padilla campus, nagsulod ang eskwelahan kag pamilya sa Usufruct agreement sa diin nagapabilin sa pamilya Nazareno ang titulo sang duta samtang ginatugutan man sini nga usaron temporaryo sang eskwelahan ang nasambit nga propedad.
Sang naglakat ang panahon, kag naglain na ang nagpamuno sang eskwelahan, kapin duha ka mga building ang ginpatindog sa property nga napaidalum sa usufruct.
Kun ano ang desisyon, ina ang gina negotiate pa sang probinsya sa pamilya Nazareno.
Nahibaluan nga gina-offer sa nasambit nga campus ang kurso nga BS Education, BS Agri Business kag Information Technology.