PROVINCIAL CAPITOL – Ginpaidalom sa Code White Alert ang tanan nga mga hospital, health facilities kag centers sa Negros Occidental sa tunga sang mga pagbaha kasunod sang pagbubo sang ulan dala sang Southwest Monsoon nga ginpabaskog sang Tropical Depression Crising.
Ang code white nagakasayuran nga naka-heightened alert ang health facilities sa pagbaton sang mga pasyente nga nahalitan sang kalamidad.
Ginapanugyanan ang mga nakaubog sa baha nga magtomar sang Doxycycline agud makalikaw sa leptospirosis. #DYHBnews