NEGROS OCCIDENTAL- May bag-o nga hepe ang pito ka mga Local Government Unit (LGU) sa probinsya sang Negros Occidental amo man ang 1st Negros Occidental Provincial Mobile Force Company.
Ginpahayag ni Police Captain Judesses Catalogo, Spokesperson sang Negros Occidental Police Provincial Office (NOCPPO), bag-o ang pila mga hepe sa probinsya bangod ang ila gintal-usan ang nag-schooling para sa mas mataas nga ranggo kag pila sa ila ang gin-reassign sa iban nga departamento ukon estasyon.
Nahibaluan nga nagaserbe bilang Officer In Charge sa ciudad sang Talisay amo si PLt. Col. Alvin Christopher Baybayan, sa San Carlos City amo si PLt. Col. Nazer Canja, sa banwa sang Toboso amo si Police Major John Rey Batadlan, kag sa Binalbagan amo si Police Captain Joelan Vinson.
Sa Bago City amo si PLt. Col. Roberto Mupas, sa banwa sang Murcia amo si Police Captain Honey Labaro, kag sa Calatrava amo naman si Police Captain Jesus Alba.
Dugang pa ni Catalogo, sa banwa sang La Castellana naman ang temporaryo nga pagapamunuan ni Police Captain Dennis Melgarejo.
Samtang sa 1st NOPMFC, mangin OIC si Police Captain Mark Evan Salvo.