Ginaklaro sang focal person nga nagapadayon ang pagbaton sang registration kag wala nagnubo ang ₱15,000 nga assistance sa idalom sang Bacolod Comprehensive Health Program (BacCHP).
Sa interview kay Atty. Marty Go, ginpahayag sini nga as of July 20, 2025, may yara na sang 143,354 registered members ang BacCHP.
Apang suno kay Atty. Go sa karon, indi tanan nga nagpa-register ang nahatagan sang card bangud nga kinahanglan na magbag-o sang signatory sa idalom ni Mayor Greg Gasataya kag ini ang rason sang delay sa printing.
Ginaklaro man sang opisyal nga sarang gihapon magamit ang mga cards nga na-issue sa idalom ni former Mayor Albee Benitez.
Gindugang pa ni Atty. Go nga bisan ang mga wala cards nga ma-admit sa hospital, sarang sa gihapon maka-avail sang assistance kag kinahanglan lang magpalapit sa mga BacCHP desk sa mga hospitals.
Nahibaluan nga ang BacCHP ang may partnership sa pito ka mga hospitals sa ciudad lakip na ang Corazon Locsin Montelibano Memorial Regional Hospital. DYHB News