BACOLOD CITY- Pilason ang isa lalaki matapos nga ginluthang sa Purok Maghiliugyon sa Barangay 35 sa ciudad sang Bacolod, pasado las-4 sang hapon, Martes, Hulyo 22.
Ang biktima ang ginkilala nga si alias “Jay”, legal ang edad, kag residente sang amo nga lugar.
Ginpahayag ni Police Lieutenant Marbert Veloso, Officer in Charge sang Police Station 1, sakay sa motorsiklo ang biktima sang hinali ini ginpalapitan kag gintiro sang suspetsado nga nagasakay man sa motorsiklo.
Sa inisyal nga impormasyon, nakaagom sang pilas sa bahin sang tiyan kag kamot ang biktima.
Maswerte nga makapalagyo ang biktima padulong sa isa ka balay sang Brgy. Kagawad kag amo man ang pagpalagyo wala matumod nga suspek.
Nakabati ang pila ka mga residente sang kapin tatlo ka lupok sa lugar sang natabo ang insidente.
Sa karun ginaverify sang kapulisan ang impormasyon angot sa alegasyon nga isa ka kilala nga kawatan ang biktima.
Dugang pa ni Veloso, padayon pa ang ila imbestigasyon angot sa krimen.