Ginaduso sa karon sa Sangguniang Panlungsod ang ordinansa nga gina-elevate agud mangin fully fledge department ang Bacolod City Disaster Risk Reduction and Management Office (CDRRMO) sa idalom sang Office of the Mayor.
Ini ang gin-file ni Bacolod City Councilor Atty. Caesar Distrito bilang pagsunod sa direktiba kag national standard nga gin-set sang NDRRMC, DBM, DILG, kag CSC sa Joint Memorandum Circular No. 2014-1.
Ang ginaduso nga ordinansa naga-align man sa RA 10121 ukon Philippine Disaster Risk Reduction and Management Act of 2010 kag nagasuporta nga mangin disaster-resilient city ang Bacolod.
Ang ini nga ordinansa nga gin co-author ni Councilor Celia Flor kag Em Ang ang nga i-expand ang organizational structures kag staffing sang opisina, pag-enhance sang operational capacity, kag pag-align sa national standards.
Ini man isa ka proaactive move agud nga mapasanyog ang disaster preparedness kag emergency response capabilities sang Bacolod.
Ang tikang nagatukod sang Bacolod City Disaster Risk and Management Department (BCDRRMD) kag ginabalay sang maathag ang tatlo ka division nga amo ang administration and training, research and planning, kag operations and warning.
Ini man ang maga-obra sang mga bag-o nga plantilla positions lakip man ang city government department head agud masiguro ang propesyonal kag permanente nga leadership sa disaster management.
Ginalauman nga ma-deliberate ini sa Sangguniang Panlungsod sa masunod nga mga session.