Gindagdagan sang Office of the Building Official (OBO) sang suspension ang building permit sang warehouse sang Artemis Salt Corporation sa Purok Nami-nami, Brgy. Banago, Bacolod City subong nga adlaw, Hulyo 29, 2025.
Suno kay Engr. Amy Tentia, officer in charge sang OBO, natukiban nga may mga violations sa national building code ang ginatukod nga warehouse sang asinan.
Suno kay Engr. Tentia, June 6, 2024 pa gin-issue ang building permit para sa construction sang warehouse.
Samtang ginkumpirmar ni City Legal Officer, Atty. Joseph Chiu nga wala nagtambong sa compliance conference ang management sang asinan nga gintalana, las-2 kahapon, July 28.
Madumduman nga una na gindagdagan sang abatement and removal order ang asinan sang July 26 bangud sang gintukod sini nga kudal sa existing drainage system.
Suno kay Atty. Chiu, wala man sang nakuha nga fencing permit ang management para sa paghimo kudal sa drainage.
Madumduman nga ang pagkudal sang asinan sa drainage ang ginatudlo isa man sa rason sang pagbinaha sa lugar sang nagligad nga sinemana.| DYHB News