Guilty sa kaso sang pag-abuso sa iya pwesto ang isa ka pulis sa Argentina matapos niya pagwaon ang apat ka mga ginpriso nga kriminal halin sa holding cell agud paubrahon bilang mga kusinero, server, kag tagalimpyo sa iya kasal. Suno sa mga report, ginpagwa sang pulis ang apat ka lalaki sa estasyon sang pulis kag ginpalakat sa isa ka bloke pakadto sa lugar sang kasal sang nagligad nga tuig. Isa sa mga lalaki ang nag-ihaw sang karnero. Wala pa klaro kun ngaa ginpriso ang apat, ukon kon sila nahatagan na sang sentensya bangud sang ila sala. Pagkatapos sang selebrasyon, boluntaryo nga nagbalik ang apat ka lalaki sa ila holding cell, suno sa El Diario de La Pampa. Suno kay prosecutor Guillermo Sancho sang Infobae news, maswerte ang pulis nga wala sang bisan isa ka preso ang nagpalagyo,” Ginpamatbatan sang 15-ka bulan nga suspension ang pulis bangud sa pag-abuso sang iya awtoridad.
