PROVINCIAL CAPITOL – Nagpasar sang ordinansa ang Sangguniang Panlalawigan sang Negros Occidental nga hugot nga nagadumili sang electronic sabong (e-sabong) kag machine betting sa bug-os nga probinsiya.
Ang Provincial Ordinance No. 011, nga ginduso ni 3rd District Board Member Andrew Montelibano, ang nagamandu sang estrikto nga pagpatuman sang Presidential Decree 449 ukon ang Cockfighting Act of 1974 kun sa diin ang tradisyunal nga bulang kag pamaagi sang pagtaya lamang ang pagatugutan sa probinsiya.
Ginpahayag ni Board Member Montelibano nga nagdata ang e-sabong kag machine betting sadtong COVID-19 pandemic apang ginpauntat na ini ni Presidente Bongbong Marcos sadtong 2022.
Ginakonsiderar na ini sang PAGCOR nga ilegal kag wala man nagabayad sang buhis sa gobyerno.
Apang sa pihak sini, pila ka mga operators sang bulangan ang nagpadayon sa pagpataya paagi sa machine betting, nga wala naman ginakilala sang PD 449.
Ginpabutyag ni Montelibano nga sa pihak nga makabig nga panahor ang bulang apang ginakilala sang kasuguan nga kabahin ini sang kasaysayan kag kultura sang mga Pilipino apang indi ini dapat pag-abusaran kag himuon nga negosyo.