“Wala sang santuhon”. Ini ang paandam ni City Administrator, Atty. Mark Mayo sa mga personnel sang Office of the Building Official (OBO) kasunod sang reklamo sang extortion batok sa anay head nga si Engr. Isidro Sun Jr.
Suno sa city administrator, seryoso ang karon nga administrasyon sa paglagas sa mga ginareklamo kag ginapasiguro sini nga professional ang pag-deal sa sini mga isyu.
Suno kay Mayo, kon may yara sang reklamo gina-aktuhan ini sang ciudad.
Sa karon, ginahulat na lang ang rekomendasyon sang City Legal Office (CLO) sa reklamo batok kay Sun matapos nga formal na nga nagsabat ang opisyal.
Sa pihak nga bahin, gin-confirm ni Atty. Mayo nga may isa man ka personnel sang Bacolod Environment and Natural Resources Office (BENRO) nga ginareklamo man kaangay sa kay Engr. Sun kag subject na ini sa desisyon sang chief executive.