Isa ka Girolando nga baka ang nakakuha sang bag-o nga national record bangud sang kadamuon sang gatas nga sarang sini ma-produce. Ang isa ka baka ang makuhaan sang 343 ka litro ukon 90.6 gallons sang gatas sa sulod sang tatlo ka sunod nga adlaw. Ang Girolando, ang cross breed sang Holstein kag Gir cattle, ini ang kilala na sa Brazil bangud sang mataas sini nga produksiyon sang gatas. Ang isa ka Girolando nga baka ang naga-average produce sang 3,600 ka litro (950 ka galon) sang gatas sa 305 ka adlaw nga lactation period, pero may ara man sang iban nga makalab-ot sa 100 ka litro (26.4 ka galon) kada adlaw. Daku ang bugal sang mga mangunguma sa Brazil kun may ara sila sang mga Girolando nga nagahatag sang bugana nga supply sang gatas. Nagapaindisanay sila sa dairy tournaments agud makita kon sin-o ang may pinaka-damo nga gatas nga makuha sa isa ka specific nga panahon. Sa isa ka bag-o nga torneo sa Delfim Moreira, sa southern Minas Gerais, isa ka Girolando ang nakuhaan sang 343 ka litro sang gatas sa tatlo lang ka adlaw. Bisan wala ginpahayag sang Brazilian media ang ngalan sang baka kag sang tag-iya sini, nahibaluan nga ini nga baka ang nakuhaan na sang 120 ka litro sang gatas sa isa lang ka adlaw—lapit na sa Guinness World Record para sa adlaw-adlaw nga produksiyon sang gatas halin sa isa lang ka baka.
