Nakuhaan sang ₱680,000 nga balor sang suspected shabu ang isa ka jeepney driver kag fish vendor sa buy bust operation sa Bangga Vista Alegre, Brgy. Mansilingan Bacolod City, las-12:03 tungang kaagahon, Agosto 11, 2025.
Ginkilala ang mga suspek nga sanday Reagan Perez alias Tata, 38-anyos, jeepney driver, isa ka high value individual, sang Brgy. Handumanan kag Rolando Padilla, 40, fish vendor, isa ka street level individual kag yara sa listahan sang Barangay Anti-Drug Abuse Council (BADAC) kag residente naman sang 81 Galo-Ramos Streets, Brgy. 22, Bacolod City.
Nakuha sa mga suspek ang more or less, 100 grams sang suspected shabu. | DYHB News