Kalabanan sa mga nagparehistro para sa December 2025 Barangay and SK Elections amo ang mga pamatan-on, ini base sa record sang Commission on Elections (COMELEC) sa ginpatigayon nga 10 ka adlaw sini nga voters’ registration.
Sa interview sang DYHB kay Negros Occidental COMELEC Supervisor Atty. Ian Lee Ananoria ginapahayag sini nga 95% sang nga new voter registrants amo ang mga naga edad 15-17 years old.
Ini isa ka maayo nga indikasyon suni kay Ananoria bangud nga madmao sang mga pamatan-on ang politically aware kag luyag mag-participate sa piniliay.
Halin August 1-10, kapin 78,320 ka mga Negrense na ang nagparehistro sa diin pinakadamo diri amo ang sa 6th district sang probinsya nga may 14,710 ka mga voter registrants.
Paathag pa sini nga kun ma-postpone ang eleksyon sini nga tuig, magapatigayon man sila sa gihapon liwat sang voters’ registration sa 2026.
Isa naman sa ila pagatutukan amo ang pag-implementar sang stricter crowd control ilabi na sa mga dalagkuan nga mga LGUs kaangay sang Bacolod City.