Magapasaka sang kaso batok sa ciudad ang pila ka mga residente sang Purok Riverside, Barangay Bata Bacolod City matapos nga liwat ginpang-demolish sang City Legal Enforcement Team ang ila mga puluy-an.
Sa interview sang DYHB kay alyas Joana, residente sang nasambit nga lugar, ginpahayag sini nga Private Property ang ginatindugan sang ila balay kag ginapanag-iyahan nanday certain Hadges kag Lacson.
Dugang pa nga base sa order sang clearing operation team, ang galapaw sa “3 meters away from creek” lang ang panggub-on, apang ila ginkakibot nga ang bilog nga straktura gid gali ang gub-on bisan wala man gani sang court order.
Suno kay Joana, magapasaka sila sang kaso sa Ombudsman kontra sa ciudad bangud sang pagpahalin sa ila kag pagguba sang ila mga puluy-an.
Sa pihak nga bahin, ginpahayag naman ni Atty. Bartolome Malde sang CLEU, nga public property ang ginatindugan sang structure kag nagapatuman lang sila sang clearing operation ilabi nga pagkatapos nila hawanan ang lugar, nagbalik man ang naga ilistar diri.