BACOLOD CITY- Wala pa sang konklusyon ang Bacolod City Police Station 4 angot sa natabo sa missing person nga si Joseph Sabolbora.
Si Sabolbora, ang residente sang Talisay City apang temporaryo nga naga-istar sa boarding house sa Brgy. Estefania, kag ini ang supervisor sa isa ka retail company sa Barangay Granada
Nahibaluan ulihi nga nakita ang missing person sang tinalikdan Hulyo 31 sang aga.
Ginpahayag ni Police Major Marc Joeil Reclamado, Station Commander sang PS4, may nakuha na nga kopya sang CCTV footage nagikan sa isa convinient store kun sa diin nakita si Sabolbora sang Hulyo 30 nga nag-withdraw sang kwarta.
Nakita man sang Agosto 2 ang atm cards sang missing sa ciudad sang Talisay malapit sang ila nga puluy-an.
Sa karun padayon ang imbestigasyon angot sa pagkadula ni Sabolbora lapit duha na ka semana kag padayon nga nagatipon sang dugang nga kopya sang CCTV.